Stuti (स्तुति संग्रह)

|| श्रीमार्गसहायलिङ्गस्तुती || ॥ श्रीमद् अप्पय्यदीक्षितेन्द्रैः विरचिता ॥ पयो-नदीतीर निवासलिङ्गं बालार्क-कोटि प्रतिमं त्रिनेत्रम् । पद्मासनेनार्चित दिव्यलिङ्गं वन्दामहे मार्गसहायलिङ्गम् ॥ १॥ गङ्गातरङ्गोल्लसदुत्तमाङ्गं गजेन्द्र-चर्मांबर भूषिताङ्गम् । गौरी-मुखांभोज-विलोल-भृङ्गं वन्दामहे मार्गसहायलिङ्गम् ॥ २॥ सुकङ्कणीभूत महाभुजङ्गं संज्ञान-संपूर्ण-निजान्तरङ्गम् । सूर्येन्दु-बिंबानल-भूषिताङ्गं वन्दामहे मार्गसहायलिङ्गम् ॥ ३॥ भक्तप्रियं भावविलोलभृङ्गं भक्तानुकूलामल भूषिताङ्गम् । भावैक-लोक्यान्तरमादिलिङ्गं वन्दामहे मार्गसहायलिङ्गम् ॥ ४॥ सामप्रियं सौम्य महेशलिङ्गं सामप्रदं सौम्य-कटाक्षलिङ्गम् । वामाङ्ग-सौन्दर्य-विलोलिताङ्गं…

|| तक्षकादिनागकृता पाताललिङ्गस्तुतिः || (शिवरहस्यान्तर्गते भीमाख्ये) तक्षकः (उवाच) शम्भो विरिञ्चिवरमौलिकपालपाणे चञ्चत्सुधांशुमकुटोज्ज्वलितोत्तमाङ्ग । मां मोचयाशु दुरितात्परिवञ्चकेश देवस्त्वमेव भगवांश्च कुलुञ्चनाथः ॥ ५॥ मृडं दृढतरं हृदा सदयमिन्दुचूडं हृदा भजामि भसितोज्ज्वलं हृदयपद्मसद्मान्तरे । भुजङ्गवरकङ्कणक्वणननिःस्वनाङ्घ्रिप्रभा- विभासिनटनानतं जगदुदारसत्ताण्डवम् ॥ ६॥ अनन्तः (उवाच) भस्माङ्गराग धृतबालकुरङ्ग सङ्ग भालस्फुलिङ्ग हर (कृत) नेत्रपतङ्गलिङ्ग । गङ्गान्तरङ्ग महदिन्दुकृतोत्तमाङ्ग मातङ्गकृत्तिभुजगाङ्गद हार पाहि ॥ १०॥ पापानङ्गमतङ्गभङ्गसुमहालिङ्गस्थ शम्भो सदा शाङ्गाङ्गस्थमहोक्षसङ्गभरितानन्दाङ्ग…

|| स्कन्दकृता देवीस्तुतिः || नौमि स्तौमि जगत्प्रसादघटनासंस्थानसम्पादितां लोकालोकनतत्परां भगवतीं मायां महेशाश्रयाम् । विष्णुब्रह्ममरुद्गणेश्वरमहासाम्राज्यदानक्षमा- मीशाङ्काधिकृतां प्रसादमुखरां कायेन वाचा सदा ॥ १३॥ इन्दुकुन्दकरिमत्तजबिम्बस्फारधारविजिताखिलवृन्दाम् । नीलमेघनलिनामलकान्तिं केसरीन्द्रवरभूधरकूर्माम् ॥ १४॥ वक्त्रदन्तगमनाधरकेशैर्लोचनेन जघनेन कुचाभ्याम् । पादपङ्कजरजःपरिभूता नागयक्षसुरमानवकन्याः ॥ १५॥ अम्बामम्भोरुहाक्षीं सकलसुरकदम्बैकशालिमपूर्णां काशीशेशान्नपूर्णा विधिहरिहरसत्संस्तुतां भर्गकान्ताम् । शान्तां शान्तान्तरङ्गां भजदघपटलीव्यालनागान्तकान्तां कान्तान्देवस्य देवीमगवरवरजान्नौमि चिन्नित्यसंस्थाम् ॥ १६॥ नलिनजवनितापद्मसंस्थाकरस्थैः । विधिवहगरुदाभैश्चामरैर्वीज्यमानां शशिमुखनिजभर्तुर्भार्यया छत्रवत्या । सितनभसटसिह्मस्कन्धसिह्मासनस्थां…

|| सुराङ्गनाभिः कृता देवीस्तुतिः || दयारसघने शिवे विकचपङ्कजास्येऽम्बिके सुचम्पकसरावलीमधुरगन्धजाजीसरैः । सुगुच्छवरमल्लिकाविधृतपाटलोशीरकै- र्विराजितकपर्दके विलसदिन्दुकोटीरके ॥ १॥ नमत्सुरपदाम्बुजे (नमस्सुरपदाम्बुजे, नमस्सुरवरप्रदे) भवहरे (भवहरं) नमस्ते नमः ॥ मञ्जीरशिञ्जितरणन्मणिपादयुग्मकञ्जो- पमानकरणायितलक्तकोह्यम् । पादद्वयं सुरगणोत्तममौलिकोटिघृष्टं सुसन्नखजिताम्बरकान्तिकान्तम् ॥ २॥ (मञ्जीरशिञ्जितरणन्मणिपादयुग्मकञ्जो- पमानकरणायितलक्तकोद्यपादद्वयम् । सुरगणोत्तममौलिकोटि- घृष्टं सुसन्नखजिताम्बर कान्तिकान्तं)॥ २॥ त्वामम्ब(त्वामम्बं)चाम्बुरुहगर्भरसास्यनेत्रे लग्ना विलग्नहृदयास्तुतरां नमस्ते ॥ ३॥ जय देवि जगद्वन्द्ये प्रपन्नार्तिहरे शिवे । तव पादाम्बुजद्वन्द्वदर्शनं नः क्व…

|| देवैः कृता देवीस्तुतिः || (महिषासुरमर्दिनीस्तोत्रम्) अयि गिरिनन्दिनि नन्दितमोदिनि विश्वविनोदिनि नन्दिनुते । गिरिवरविन्ध्यशिरोधिनिवासिनि शम्भुविलासिनि विष्णुनुते ॥ ९॥ जय जय हे महिषासुरमर्दिनि रम्यकपर्दिनि शैलसुते । भगवति हे शितिकण्ठकुटुम्बिनि भक्तजनामितभूतिकृते ॥ १०॥ अयि निजहुङ्कृतिमात्रनिराकृतधूम्रविलोचनधूलिकृते । जय जय हे महिषासुरमर्दिनि रम्यकपर्दिनि शैलसुते ॥ ११॥ समरविशोषितशोणितबीजसमुद्भवशोणितबीजलते । श्रीयुतशुम्भनिशुम्भमहाहवतर्पितभूतपिशाचतते ॥ १२॥ जय जय हे महिषासुरमर्दिनि रम्यकपर्दिनि शैलसुते । अयि जगदम्ब…

|| श्रीदक्षिणास्यभुजङ्गप्रयातस्तुतिः || भवाम्भोधिपारे नयन्तं स्वभक्तान् कृपापूरपूर्णैरपाङ्गैः स्वकीयैः । समस्तागमान्तप्रगीतापदानं सदा दक्षिणास्यं तमाराधयेऽहम् ॥ १॥ चतुर्विंशदर्णस्य मन्त्रोत्तमस्य प्रजापाद्दृढं वश्यभावं समेत्य । प्रयच्छत्यरं यश्च विद्याममोघां सदा दक्षिणास्यं तमाराधयेऽहम् ॥ २॥ जडायापि विद्यां प्रयच्छन्तमाशु प्रपन्नार्तिविध्वंसदक्षाभिधानम् । जराजन्ममृत्यून्हरन्तं प्रमोदात् सदा दक्षिणास्यं तमाराधयेऽहम् ॥ ३॥ यमाराध्य पद्माक्षपद्मोद्भवाद्याः सुराग्र्याः स्वकार्येषु शक्ता बभूवुः । रमाभारतीपार्वतीस्तूयमानं सदा दक्षिणास्यं तमाराधयेऽहम् ॥ ४॥ सुधासूतिबालोल्लसन्मौलिभागं…

|| श्रीविद्यातीर्थपदारविन्दस्तुतिः || संसाराम्बुधिमग्नलोकविततेः पोतं यदाहुर्विदः कंसारातिपुरारिभेदमतिहृत्स्वार्चापराणां चिरम् । विद्यारण्यमुखैर्महामुनिवरैः सम्पूजितं तन्मुदा विद्यातीर्थपदारविन्दयुगलं वन्दे जगत्पावनम् ॥ १॥ हृद्या पद्यततिर्मुखाब्जकुहराद्यत्पूजकानां जवा- न्निर्गच्छत्यमरापगेव सरसा स्वच्छापि तद्भक्तितः । तुङ्गाभिख्यनदीतटान्तविलसर्च्छ्रीमन्दिरे संस्थितं विद्यातीर्थपदारविन्दयुगलं वन्दे जगत्पावनम् ॥ २॥ श‍ृङ्गाभिख्यमहीधरेन्द्रनिवसल्लोकान्वराकानपि व्याजात्प्राप्तनिजेक्षणात्करुणया पुण्यौघयुक्तांस्तथा । कुर्वद्भक्तिभृतान्तरङ्गकमलानप्याशु यत्तन्मुदा विद्यातीर्थपदारविन्दयुगलं वन्दे जगत्पावनम् ॥ ३॥ यत्प्रीतिप्रतिपित्सुभिर्हरिहराभिख्याद्यभूपालकै- र्विप्रेभ्यः श्रुतिविद्भ्य एव बहवो ग्रामा विसृष्टाः पुरा । तद्राजव्रजवन्द्यमानमनिशं राजाधिराजत्वदं विद्यातीर्थपदारविन्दयुगलं…

|| अलङ्करणमालिकास्तुतिः || अलङ्करणमालिकास्तुतिः । कमलवनावळिभोग्यं कलशपयोराशिराजसौभाग्यम् । किमपि हयाननभाग्यं कलयतु मां स्वगुणविनुतिकृतियोग्यम् ॥ १॥ हरणायाखिलविपदां करणान्येकादशापि विनियम्य । श्लोकैरेकादशभिर्लोकेशित्रीं स्तुवे प्रसीदतु सा ॥ २॥ अं (ब वि) धूमणि भवतीमम्बुरुहाक्षोऽपि वक्षसि बिभर्ति । किम्बहुनाऽखिलजगतां त्वं बहुमान्या सुधाम्बुनिधिकन्या ॥ ३॥ निरुपमवरतमसुगुणाङ्कुरनिकुरुं(बालवा) लभूतां त्वाम् । तुरगवदनस्य तरुणीं तरुणाम्बुजलोचनां श्रये शरणम् ॥ ४॥ शुभदाय(कौलव) णिमप्रभवौ ननु जननि तव…

|| अद्भुतस्तुतिः || श्रीकृष्णलीलाशुककविमुनिविरचिता यदनयोर्दुहं नयनयोः प्रियं किमिदमुद्भटं त्रिजगदद्भुतम् । हरिणमेकतो हरितमेकतः करुणया पुनः किमपि सर्वतः ॥ १॥ कमलागिरिजाकपोलबिम्बप्रतिबिम्बीभवता मुखाम्बुजेन । अवलोकितविभ्रमेण जातस्मितमालोकय लोकनाथवेषम् ॥ २॥ नाथश्च तातश्च सुरापगाया लोपश्च लाभश्च विलासयोनेः । श्वेतश्च नीलश्च स एप वेषः कथं मिथः सङ्गतिमेति देवः ॥ ३॥ अनन्तकल्पान्तभुवां सुधाभुजां कपालधाम्नः श्रियमन्तरान्तरा । (कपालदाम्नः?) वितन्वतीभिस्तुलसीभिरद्भुतं विराजते देव भवद्भुजान्तरम् ॥…

|| मुचुकुन्दस्तुतिः || मुचकुन्द उवाच कृष्णाय वासुदेवाय देवकीनन्दनाय च । नन्दगोपकुमाराय गोविन्दाय नमो नमः ॥ १॥ नमः पङ्कजनभाय नमः पङ्कजमालिने । नमः पङ्कजनेत्राय नमस्ते पङ्कजाङ्घ्रये ॥ २॥ नमः कृष्णाय शुद्धाय ब्रह्मणे परमात्मने । प्रणतक्लेशनाशाय गोविन्दाय नमो नमः ॥ ३॥ नमोऽस्त्वनन्ताय सहस्रमूर्तये सहस्रपादाक्षिशिरोरुबाहवे । सहस्रनाम्ने पुरुषाय शाश्वते सहस्रकोटीयुगधारिणे नमः ॥ ४॥ हरे मत्समः पातकी नास्ति भूमौ…

|| श्रीभगवत्स्तुतिः सायङ्कालीन || श्रीहंसञ्च सनत्कुमारप्रभृतीन् वीणाधरं नारदं निम्बादित्यगुरूंश्च द्वादशगुरून् श्रीश्रीनिवासादिकान् । वन्दे सुन्दरभट्टदेशिकमुखान् वस्विन्दुसङ्ख्यायुतान् श्रीव्यासाद्धरिमध्यगाच्च परतः सर्वान् गुरून्सादरम् ॥ १॥ हे निम्बार्क! दयानिधे! गुणनिधे! हे भक्तचिन्तामणे! हे आचार्यशिरोमणे! मुनिगणैरामृग्यपादाम्बुज! । हे सृष्टिस्थितिपालक! प्रभवन! हे नाथ! मायाधिप! हे गोवर्द्धनकन्दरालय! विभो! मां पाहि सर्वेश्वर! ॥ २॥ कस्तूरीतिलकं ललाटपटले वक्षःस्थले कौस्तुभं नासाग्रे वरमौक्तिकं करतले वेणुः करे कङ्कणम्…

|| श्रीशारदादेवीस्तुतिः || रामकृष्णोऽब्रवीत् पत्नीं “शारदे ! हे सरस्वति ! । शक्तिस्त्वं मम विश्वेऽस्मिन् ज्ञान दानार्थमागता” ॥ १॥ श्री शारदैकदा प्राह, “ठाकुरः स्वदिवं गतः । परं मामत्र मातृत्वप्रचाराय नियुक्तवान्” ॥ २॥ परमा प्रकृतिः साक्षात् शक्तिरूपेण भूतले । देव श्रीरामकृष्णस्य गुप्तलीला-समागता ॥ ३॥ सिद्धा वा साधिका वाऽपि नासीत् साधारणी हि सा । मानवं देहमाश्रित्य सा साक्षाद्भवतारिणी…

|| भवानीस्तुति || आनन्दमन्थरपुरन्दरमुक्तमाल्यं मौलौ हठेन निहितं महिषासुरस्य । पादाम्बुजं भवतु वो विजयाय मंजु-मंजीरशिंजितमनोहरमम्बिकायाः ॥ १॥ ब्रह्मादयोऽपि यदपांगतरंगभंग्या सृष्टि स्थिति-प्रलयकारणतां व्रजन्ति । लावण्यवारिनिधिवी चिपरिप्लुतायै तस्यै नमोऽस्तु सततं हरवल्लभायै ॥ २॥ पौलस्त्यपीनभुजसम्पदुदस्यमानकैलाससम्भ्रमविलोलदृशः प्रियायाः । श्रेयांसिवोदिशतुनिहनुतकोपचिह्नमालिंगनोत्पुलकभासितमिन्दुमौलेः ॥ ३॥ दिश्यान्महासुरशिरः सरसीप्सितानि प्रेंखन्नखावलिमयूखमृणालनालम् । चण्डयाश्चलच्चटुलनूपुरचंचरीकझांकारहारि चरणाम्बुरूहद्वयं वः ॥ ४॥ ॥ इति भवानी स्तुति सम्पूर्णा ॥

|| वीरककृता पार्वतीस्तुतिः || वीरक उवाच । नतसुरासुरमौलिमिलन्मणिप्रचयकान्ति कराल नखाङ्किते । नगसुते! शरणागतवत्सले! तव नतोऽस्मि नतार्तिविनाशिनि ॥ १॥ तपनमण्डलमण्डितकन्धरे ! पृथुसुवर्णसुवर्णनगद्युते । विषभुजङ्गनिषङ्गविभूषिते ! गिरिसुते ! भवतीमहमाश्रये ॥ २॥ जगति कः प्रणताभिमतं ददौ झटिति सिद्धनुते भवती यथा । जगति कां च न वाङ्छति शङ्करो भुवनधृत्तनये ! भवतीं यथा ॥ ३॥ विमलयोग विनिर्मित दुर्जय स्वतनु तुल्यमहेश्वर…

|| श्री नवदुर्गास्वरूपानुसन्धानस्तुतिः || वक्ष्येऽहं नव दुर्गायाः स्वरूपाण्यधुना क्रमात् । प्रथमा वन दुर्गा स्यात् शूलिन्याख्या द्वितीयिका ॥ १॥ तृतीया जातवेदास्तु शान्तिदुर्गा चतुर्थिका । पञ्चमी शबरी दुर्गा ज्वलद् दुर्गा च षष्ठिका ॥ २॥ सप्तमी लवणाभिख्या दीपदुर्गा तथाऽष्टमी । नवमी ह्यासुरी दुर्गा प्रोक्ता एता नवाम्बिकाः ॥ ३॥ पुरा भण्डमहायुद्धे ललिताम्बाऽट्टहासतः । आविर्भूता इमा देव्यः मध्वाद्यसुरभीकराः ॥ ४॥…

|| महागायत्रीलीलास्तुती || ॐ अथ महागायत्रीलीलास्तुतिः । सदा गवेषयन् जगत्रयेषु वेदमातरं चिदात्मना कृतस्थितं समत्र चाद्य लब्धवान् । उदस्रु गददं महोदयात्प्रणौमि भक्तिनौकया सुदुस्तरं द्रुतं तितीर्षुरापदर्णवम् ॥ १॥ सुहीनलोकपातिनी सतां कृपाऽतिशोभते ह्यत्सुधांशुचक्षुषे क्षयाम्ब ! माद्यशं जनम् । नवापि हीयते तवेषदीशि ! पालनेननो भवाद्यतः कुपुत्रता न भासते प्रसूह्रदि ॥ २। नमामि मुक्तविद्रुमप्रतप्तहाटकाऽसिता- वदातवर्णसुन्दरैः षडर्धलोललोचनैः । सरोजषण्डबान्धवप्रतप्तपावकप्रभैः किरीटरत्नरञ्जितैः सुधांशुखण्डमण्डितैः…

|| देवकृता ब्रह्मस्तुतिः || त्वमोङ्कारोऽस्यङ्कुराय प्रसूतो विश्वस्यात्मानन्तभेदस्य पूर्वम् । सम्भूतस्यानन्तरं सत्त्वमूर्ते संहारेच्छोस्ते नमो रुद्रमूर्त्ते ॥ १॥ व्यक्तिं नीत्वा त्वं वपुः स्वं महिम्ना तस्मादण्डात् स्वाभिधानादचिन्त्यः । द्यावापृथिव्योरूर्ध्वखण्डावराभ्यां ह्यण्डादस्मात्त्वं विभागं करोषि ॥ २॥ व्यक्तं मेरौ यज्जनायुस्तवाभूदेवं विद्मस्त्वत्प्रणीतश्चकास्ति । व्यक्तं देवा जन्मनः शाश्वतस्य द्यौस्ते मूर्धा लोचने चन्द्रसूर्यौ ॥ ३॥ व्यालाः केशाः श्रोत्ररन्ध्रा दिशस्ते पादौ भूमिर्नाभिरन्ध्रे समुद्राः । मायाकारः…

|| श्रीबलरामस्तुतिः || निष्पात्याशु हिमांशुमण्डलमधः पीत्वा तदन्तः सुधां कृत्वैनं चषकं हसन्निति हलापानाय कौतूहलात् । भो देव द्विजराजि मादृशि सुरास्पर्शोऽपि न श्रेयसे मां मुञ्चेति तदर्थितो हलधरः पायादपायाज्जगत् ॥ १॥ प्रेमोन्नामितरेवतीमुखगतामास्वाद्य कादम्बरीं उन्मत्तं क्वचिदुत्पतत्क्वचिदपि भ्राम्यत्क्वचित्प्रस्खलत् । रक्तापाङ्गमधीरलाङ्गलमलिश्यामाम्बराडम्बरं क्लेशं नः कवलीकरोतु सकलं पाकाभिरामं महः ॥ २॥ उष्णालु क्वचिदर्कधामनि मनाङ् निद्रालु शीतानिले हालानां गृहयालु चुम्बदसकृल्लज्जालु जायामुखम् । नित्यं निष्पतयालु…

|| श्रीनारदभगवान् स्तुतिः || भवजलनिधिमग्नं जीवजातं निरीक्ष्य परमकरुणमूर्तिः श्रीमुकुन्दो महीयान् । कृत मुनिवर मूर्तिः पञ्चरात्रं वित्तन्वन् स जयति गुरुवर्य्यो नारदो नारदाता ॥ १॥ संसार सागर में निमग्न जीव समूह को देखकर करुणामूर्ति भगवान् मुकुन्द ने देवर्षी श्रीनारद का अवतार धारण किया और संसार में पाँचरात्र शास्त्र का विस्तार किया । उन भक्त प्राणियों के अज्ञान…

|| दत्तवेदपादस्तुतिः || श्रीदत्तात्रेयाय नमः ॥ अग्निमीले परं देवं यज्ञस्य त्वां त्र्यधीश्वरम् । स्तोमोऽयमग्रियोऽर्थ्यस्ते हृदिस्पृगस्तु शन्तमः ॥ १॥ अयं देवाय दूराय गिरां स्वाध्याय सात्वताम् । स्तोमोऽस्त्वनेन विन्देयं तद्विष्णोः परमं पदम् ॥ २॥ एता या लौकिकाः सन्तु हीना वाचोऽपि नः प्रियाः । बालस्येव पितुष्टे त्वं स नो मृल महाँअसि ॥ ३॥ अयं वां नात्मनोस्तत्त्वमवगम्यास्ति दुर्मनाः ।…

|| श्रीरघुनन्दनतीर्थस्तुतिः || ॐ । विश्वानि देव सवितर्दुरितानि परा सुव । यद्भद्रं तन्न आ सुव ॥ श्रीशः सर्वोत्तमः कृष्णो दण्डदामधरो हरिः । श्रीमध्वहृदयावासो रूप्यपीठगतोवतात् ॥ १॥ जयन्ति जानकीजानेः पादम्भोजरजकणाः । लेभे शिलापि यैः स्पृष्टावाचं वाक्पतिदुर्लभाम् ॥ २॥ श्रीभारतप्रवरयुद्धरथोद्धतश्रीः पार्थैककेतनकरालविशालमूर्तिः । उच्छैर्घनाघनघटाविकटाट्टहासः श्रीकृष्णभक्षभरणो हनुमान् पुनातु ॥ ३॥ श्रीमध्वागमसिद्धभव्यविभवं सौभाग्यभाग्योदयं ग्रन्थग्रन्थिविभेदने पटुतरं मायीभपञ्चाननम् । वैराग्याङ्कुरवर्धने जलधरं श्रीमूलरामार्चकं…

|| यतिराजभारतीस्तुतिपद्यानि || ॥ श्रीः ॥ ॥ श्रीमते रामानुजाय नमः ॥ श्रीमते वात्स्यवरददेशिकाय नमः ॥ श्रीवात्स्यवरदगुरुभिरनुगृहीतानि ॥ यतिराजभारतीस्तुतिपद्यानि ॥ वन्देऽहं वरदार्यं तं वत्साभिजनभूषणम् । भाष्यामृतप्रदानाद्यः सञ्जीवयति मामपि ॥ क्व पथि विदुषामेषा प्रौढी श्रियः प्रभुणा शपे मशकशकनं मन्ये मादृक्प्रभावनिदर्शनम् । यतिवरवचस्तेजः प्रत्यर्थिवर्गनिरर्गल क्षपणनिपुणं नित्यं जागर्ति कीर्तिकरं मयि ॥ १॥ न खलु कवितामानः का नः क्षतिः पथि…

|| श्रीभाष्यकारस्तुतिश्लोकाः || श्रीसुदर्शनसूरिभिरनुगृहीताः ॥ श्रीः ॥ ॥ श्रीमते रामानुजाय नमः ॥ ॥ श्रीमते सुदर्शनसूरये नमः ॥ यतीन्द्रकृतभाष्यार्था यद्व्याख्यानेन दर्शिताः । व्यासं सुदर्शनार्यं तं वन्दे कूरकुलाधिपम् ॥ तस्मै रामानुजार्याय नमः परमयोगिने । यः श्रुतिस्मृतिसूत्राणां अन्तर्ज्वरमशीशमत् ॥ १॥ प्रपद्ये प्रणवाकारं भाष्यं रङ्गमिवापरम् । परस्य ब्रह्मणो यत्र शेषित्वं स्फुटमीक्ष्यते ॥ २॥ अविस्तृतास्सुगम्भीराः रामानुजमुनेर्गिरः । दर्शयन्तु प्रसादेन स्वं…

|| प्रवचनपूर्वस्तुतिः || (श्री निरञ्जनपीठाधीश्वर आचार्य महामण्डलेश्वर यतीन्द्र स्वामी श्रीकृष्णानन्द गिरिजी महाराज के प्रवचन के पूर्व की स्तुति) सर्ववेदान्तसिद्धान्तगोचरं तमगोचरम् । महेशं सच्चिदानन्दं सद्गुरुं प्रणतोऽस्म्यहम् ॥ या कुन्देन्दुतुषारहारधवला या शुभ्रवस्त्रावृता या वीणावरदण्डमण्डितकरा या श्वेतपद्मासना । या ब्रह्माच्युतशङ्करप्रकृतिभिर्देवैः सदा वन्दिता सा मां पातु सरस्वती भगवती निःशेषजाड्यापहा ॥ १॥ शुक्लां ब्रह्मविचारसारपरमामाद्यां जगद्व्यापिनीं वीणापुस्तकधारिणीमभयदां जाड्यान्धकारापहाम् । हस्ते स्फाटिकमालिकां…

|| पादावलम्बनस्तुतिः || स्थितेऽनुकम्पामकरन्दपूर्णे जगद्गुरोः पादसहस्रपत्रे । किमन्यतो धावसि चित्तभृङ्ग प्रयाहि तत्रैव रमस्व नित्यम् ॥ १॥ योगिवर्य यमिराजनताङ्घ्रे भोगिराजनवनीयचरित्र । रागिभिन्नमनुजाप्यपदाब्ज देशिकेन्द्र मम देह्यवलम्बम् ॥ २॥ यद्वचोमधुरिमापजितेमं लोकमेव विससर्ज सुधाऽपि । पादपद्मनतमुक्तिद स त्वं देहि देशिक ममाङ्घ्र्यवलम्बम् ॥ ३॥ दातृभावमवगम्य महान्तं कर्ण आप जनकर्णपथं ते । दारिताखिलदरिद्रजनार्ते देहि देशिक ममाङ्घ्र्यवलम्बम् ॥ ३॥ शान्तिदान्तिविरतीरपवर्ग- प्रापिकाः सुदृढमाशु…

|| सद्गुरुश्रीत्यागब्रह्मप्रपत्तिस्तुतिः || ॐ । श्रीरामजयम् । श्रीः ॐ सद्गुरुश्रीत्यागराजस्वामिने नमो नमः । ॐ त्यागराजाय विद्महे । भक्ताश्रयाय धीमहि । तन्नो गुरुः प्रचोदयात् ॥ अथ सद्गुरुश्रीत्यागब्रह्मप्रपत्तिस्तुतिः । सरससङ्गीतभास्कर परमसुज्ञानभास्वर लडहरागस्वरार्णव सदयरामप्रियार्णव । शमनसप्तस्वरालय महितनामस्वरालय शरणमाचार्यदैवत शरणमाचार्यदैवत ॥ १॥ सहजसद्दर्शनायुत सततसत्तारकारत सवनसंरक्षदर्शन सततसच्चित्तदर्शित । गुरुवरत्यागराजग वरकृतिस्तोत्ररामग शरणमाचार्यदैवत शरणमाचार्यदैवत ॥ २॥ प्रणवनादोपदेशन प्रणतभक्तार्थसाधन प्रणतबाधाप्रशामन परमशान्तिप्रदायन । परमसद्भक्तिबोधन…

|| तारावलिस्तुतिः || अज्ञानान्धतमो विमोहितधियां दुर्वादकोलाहलै- रालीने सकले सनातनपथे कालेयलीलायितैः । क्षेमाय क्षितिमण्डले करुणया कृत्वाऽऽकृतिं प्राकृतीं निर्धूताखिलदुर्मतो विजयते श्रीशङ्करश्शङ्करः ॥ १॥ पुण्यैर्भूतलसम्भ्रमैरुपनिषद्भाष्यादिवाग्गुम्भनैः शिष्यैश्चाप्यफलीकृते स्वरचितत्र्यैलोक्यरक्षाक्रमे । जीयाच्छङ्करसद्गुरोः प्रियकृते जातावतारः पुनः सोऽयं श्रीरमणो गुरुर्गुणगणैरध्यात्मनिष्ठो मुनिः ॥ २॥ रमणेशपदाम्भोज रजःकणमुपास्महे । यद्वासनापरिष्वङ्गाद्विगलन्ति कुवासनाः ॥ ३॥ आह्लादाऽऽवहमञ्जनं नयनयोरङ्गे सुधालेपनं धैर्यं चेतसि खेदनामकगदप्रोत्सारकं भेषजम् । मध्याह्नार्क इव प्रसूतिजलधौ लोकप्रकाशोदयं पुण्यैः…

|| श्रीसत्यविजयतीर्थस्तुतिः || श्रीबिभीषणसाम्राज्यप्रदरामपदाम्बुजे । संसक्तः सत्यविजयहंसो मे भासतां हृदि ॥ १॥ अतिसत्यवादनिरतोऽतनुधीः सुकृतान्तसम्प्रवचने चतुरः । स उदैष्ट सत्यविजयो विजयी सकलासु दिक्षु ऋतपूर्णमुनेः ॥ २॥ श्रीसत्यविजयं वन्दे सर्वाभीष्टप्रदायकम् । श्रीमदानन्दतीर्थायपादयोः भक्तिदं सदा ॥ ३॥ सत्यजैत्राभिधं नौमि श्रीमन्तं श्रीप्रदं मम । ज्ञानदं भक्तिदं मेऽद्य जयतीर्थार्यसेवकम् ॥ ४॥ सत्यपूर्णाब्धिसम्भूतं भक्तस्वान्तोत्पलं सदा । विकासयन्तं संशुद्धं सत्यजैत्रेन्दुमाश्रये ॥ ५॥…

|| श्रीसत्यसङ्कल्पतीर्थस्तुतिः || मन्त्राक्षताप्रदानेने श्रियःपत्याभिधैर्बुदैः । द्युमणिं कारयामास सत्सङ्कल्पो भवेन्मुदे ॥ १॥ क्षमकाले करजिग्यां द्वादशाब्दं तपश्चरन् । अन्नदानं च यश्चक्रे सत्सङ्कल्पो भवेन्मुदे ॥ २॥ महीशूर महाराज प्रार्थनानुगुणं च यः । महीशूरपुरावासः सत्सङ्कल्पो भवेन्मुदे ॥ ३॥ सत्यसन्तुष्टतीर्थेभ्यो ददौ तुराश्रमं च यः । तत्संसेवितपादाब्जः सत्सङ्कल्पो भवेन्मुदे ॥ ४॥ हरिपादोद्भवा गङ्गा पावनी यस्य सन्निधौ । दृश्यतेऽद्यापि तद्भक्तैः सत्सङ्कल्पो…

|| आचार्यपदावलम्बनस्तुतिः || ओमित्यशेषविबुधाः शिरसा यदाज्ञां सम्बिभ्रते सुममयीमिव नव्यमालाम् । ओङ्कारजापरतलभ्यपदाब्ज स त्वं श्रीशङ्करार्य मम देहि पदावलम्बम् ॥ १॥ नम्रालिहृत्तिमिरचण्डमयूखमालिन् कम्रस्मितापहृतकुन्दसुधांशुदर्प । सम्राट यदीयदयया प्रभवेद्दरिद्रः श्रीशङ्करार्य मम देहि पदावलम्बम् ॥ २॥ मस्ते दुरक्षरततिर्लिखिता विधात्रा जागर्तु साध्वसलवोऽपि न मेऽस्ति तस्याः । लुम्पामि ते करुणया करुणाम्बुधे तां श्रीशङ्करार्य मम देहि पदावलम्बम् ॥ ३॥ शम्पालतासदृशभास्वरदेहयुक्त सम्पादयाम्यखिलशास्त्रधियं कदा वा…

|| श्रीसुन्दरभक्तस्तुतिः || गौरीशप्रतिबिम्बमद्भुततनुं चाष्टादशाब्दाकृतिं श्रीजम्बूपुरजन्मभाजमनिशं त्यागेशसेवापरम् । गानैर्ग्राहविमुक्तबालजनकानन्दप्रदं वाग्मिनं वन्दे सुन्दरमूर्तिमीशसुहृदं कैलासवासं सदा ॥ १॥ शैवब्राह्मणवंशजः शिवपरब्रह्मानुबिम्बात्मना जातो भूगतशाम्भवस्थलवरानेकानटन् सूक्तिभिः । स्तावं स्तावममर्त्यगीतविभवोऽमर्त्यात्मनैरावतं ह्यारूढो रजताद्रिश‍ृङ्गमगमत् श्रीसुन्दरः सेव्यताम् ॥ २॥ इति श्रीसुन्दरभक्तस्तुतिः समाप्ता ।

|| श्रीसोमसुन्दरस्तुतिः || इन्द्रः एकं ब्रह्माद्वितीयञ्च परिपूर्णं परापरम् । इति यो गीयते वेदैस्तं वन्दे सोमसुन्दरम् ॥ १॥ ज्ञातृज्ञानज्ञेयरूपं विश्वं व्याप्यं व्यवस्थितम् । स्वयं सर्वैरदृश्यो यस्तं वन्दे सोमसुन्दरम् ॥ २॥ अश्वमेधादियज्ञैश्च यस्समाराध्यते द्विजैः । ददाति च फलं तेषां तं वन्दे सोमसुन्दरम् ॥ ३॥ यं विदित्वा बुधास्सर्वे कर्मबन्धविवर्जिताः । लभन्ते परमां मुक्तिं तं वन्दे सोमसुन्दरम् ॥ ४॥…

|| वरदानदीतत्तीरस्थमधुकेश्वरस्तुतिः || वरदानपरा मनोहरा वरदारिद्र्यहरा सदादरा । वरदाख्यनदीविशुद्धये वरदा मेऽस्त्वपि मुक्तिसिद्धये ॥ १॥ कृष्णासखी या तुङ्गभद्रया कृष्णां गता कृष्णातनुं सुभद्रया । सैषा धुनीयं वरदाह्वयाऽभया भयानकाल्पातु रिपोरघाह्वयात् ॥ २॥ यत्तीरे विहिताः सवाश्च मुनिभिः प्राज्ञैर्वसिष्ठादिभि- र्यन्नीरेक्षणतोऽप्यशुद्धमतिभिर्लब्धा गतिः पापिभिः । सेयं सद्गतिदाख्ययापि वरदा श्रेयस्तपोवृद्धिदा मन्दानामपि पारदास्तु वरदा मोदास्पदा नः सदा ॥ ३॥ जयन्त्याख्या शुभा तस्या वरीवर्ति तटे…

|| महाकालकृता महेश्वरतुष्टिकरणस्तुतिः || महाकालः हर हर दुरितानि दीनबन्धो पुरहर पाहि दयाकटाक्षलेशैः । सुरहरशर हारकाकोदरनद्धामरण प्रसीद शम्भो ॥ १॥ तपनदहन पद्मजातमित्र प्रतिकृतिभूतमभूतवर्ग । मधुमथनाक्षिपूज्यपादपद्य प्रमथसनाथ महेश पाहि शम्भो ॥ २॥ मत्तानन्दकरीन्द्रदारणपटुं पञ्चास्यपञ्चाननं गङ्गातुङ्गतरङ्गसङ्गतमहामौली पिशङ्गायितम् । श‍ृङ्गासङ्ग्रहरं कुरङ्गसङ्गविलसत्पाणिप्रभामण्डलं तुङ्गातीरपतङ्गसोदरमहामूलस्थलिङ्गाकृतिम् ॥ ३॥ हिरण्यैकबाहुं हिरण्यैकरूपं हिरण्यैकवर्णं हिरण्यादिदेवम् । हिरण्याख्ययोर्हर्तृहन्तारमीशं हिरण्याचलावासकन्यासमेतम् ॥ ४॥ गम्भीरसागरनिषङ्गपिनाकपाणिं सोमाग्निविष्णुशरकृत्तपुरादिवर्गम् । क्ष्मास्यन्दनान्तरगतं शशिसूर्यचक्रं वेदाश्वसारथिविधिं…

|| श्रीमहालिङ्गस्तुतिः || ‘ अनादिमलसंसार रोगवैद्याय शम्भवे । नमश्शिवाय शान्ताय ब्रह्मणे लिङ्गमूर्तये ॥ १॥ आदिमध्यान्तहीनाय स्वभावानलदीप्तये । नमश्शिवाय शान्ताय ब्रह्मणे लिङ्गमूर्तये ॥ २॥ प्रलयार्णवसंस्थाय प्रलयोत्पत्तिहेतवे । नमश्शिवाय शान्ताय ब्रह्मणे लिङ्गमूर्तये ॥ ३॥ ज्वालामालावृताङ्गाय ज्वलनस्तम्भरूपिणे । नमश्शिवाय शान्ताय ब्रह्मणे लिङ्गमूर्तये ॥ ४॥ महादेवाय महते ज्योतिषेऽनन्ततेजसे । नमश्शिवाय शान्ताय ब्रह्मणे लिङ्गमूर्तये ॥ ५॥ प्रधानपुरुषेशाय व्योमरूपाय वेधसे ।…