|| കൃഷ്ണ ആശ്രയ സ്തോത്രം ||
സർവമാർഗേഷു നഷ്ടേഷു കലൗ ച ഖലധർമിണി.
പാഷണ്ഡപ്രചുരേ ലോകേ കൃഷ്ണ ഏവ ഗതിർമമ.
മ്ലേച്ഛാക്രാന്തേഷു ദേശേഷു പാപൈകനിലയേഷു ച.
സത്പീഡാവ്യഗ്രലോകേഷു കൃഷ്ണ ഏവ ഗതിർമമ.
ഗംഗാദിതീർഥവര്യേഷു ദുഷ്ടൈരേവാവൃതേഷ്വിഹ.
തിരോഹിതാധിദൈവേഷു കൃഷ്ണ ഏവ ഗതിർമമ.
അഹങ്കാരവിമൂഢേഷു സത്സു പാപാനുവർതിഷു.
ലോഭപൂജാർഥലാഭേഷു കൃഷ്ണ ഏവ ഗതിർമമ.
അപരിജ്ഞാനനഷ്ടേഷു മന്ത്രേഷ്വവ്രതയോഗിഷു.
തിരോഹിതാർഥദൈവേഷു കൃഷ്ണ ഏവ ഗതിർമമ.
നാനാവാദവിനഷ്ടേഷു സർവകർമവ്രതാദിഷു.
പാഷണ്ഡൈകപ്രയത്നേഷു കൃഷ്ണ ഏവ ഗതിർമമ.
അജാമിലാദിദോഷാണാം നാശകോഽനുഭവേ സ്ഥിതഃ.
ജ്ഞാപിതാഖിലമാഹാത്മ്യഃ കൃഷ്ണ ഏവ ഗതിർമമ.
പ്രാകൃതാഃ സകലാ ദേവാ ഗണിതാനന്ദകം ബൃഹത്.
പൂർണാനന്ദോ ഹരിസ്തസ്മാത്കൃഷ്ണ ഏവ ഗതിർമമ.
വിവേകധൈര്യഭക്ത്യാദി- രഹിതസ്യ വിശേഷതഃ.
പാപാസക്തസ്യ ദീനസ്യ കൃഷ്ണ ഏവ ഗതിർമമ.
സർവസാമർഥ്യസഹിതഃ സർവത്രൈവാഖിലാർഥകൃത്.
ശരണസ്ഥസമുദ്ധാരം കൃഷ്ണം വിജ്ഞാപയാമ്യഹം.
കൃഷ്ണാശ്രയമിദം സ്തോത്രം യഃ പഠേത് കൃഷ്ണസന്നിധൗ.
തസ്യാശ്രയോ ഭവേത് കൃഷ്ണ ഇതി ശ്രീവല്ലഭോഽബ്രവീത്.
Read in More Languages:- teluguకృష్ణ ఆశ్రయ స్తోత్రం
- kannadaಕೃಷ್ಣ ಆಶ್ರಯ ಸ್ತೋತ್ರ
- hindiकृष्ण आश्रय स्तोत्र
- malayalamകൃഷ്ണ ചൗരാഷ്ടകം
- teluguకృష్ణ చౌరాష్టకం
- tamilகிருஷ்ண செளராஷ்டகம்
- hindiकृष्ण चौराष्टक स्तोत्र
- malayalamകൃഷ്ണ ലഹരീ സ്തോത്രം
- teluguకృష్ణ లహరీ స్తోత్రం
- tamilகிருஷ்ண லஹரி ஸ்தோத்திரம்
- kannadaಕೃಷ್ಣ ಲಹರೀ ಸ್ತೋತ್ರ
- hindiकृष्ण लहरी स्तोत्र
- englishShri Krishna Kritam Durga Stotram
Found a Mistake or Error? Report it Now
