శ్రీ కృష్ణ కవచం

|| శ్రీ కృష్ణ కవచం ||

ప్రణమ్య దేవం విప్రేశం ప్రణమ్య చ సరస్వతీం |
ప్రణమ్య చ మునీన్ సర్వాన్ సర్వశాస్త్రవిశారదాన్ || 1||

శ్రీకృష్ణకవచం వక్ష్యే శ్రీకీర్తివిజయప్రదం |
కాంతారే పథి దుర్గే చ సదా రక్షాకరం నృణాం || 2||

స్మృత్వా నీలాంబుదశ్యామం నీలకుంచితకుంతలం |
బర్హిపింఛలసన్మౌలిం శరచ్చంద్రనిభాననం || 3||

రాజీవలోచనం రాజద్వేణునా భూషితాధరం |
దీర్ఘపీనమహాబాహుం శ్రీవత్సాంకితవక్షసం || 4||

భూభారహరణోద్యుక్తం కృష్ణం గీర్వాణవందితం |
నిష్కలం దేవదేవేశం నారదాదిభిరర్చితం || 5||

నారాయణం జగన్నాథం మందస్మితవిరాజితం |
జపేదేవమిమం భక్త్యా మంత్రం సర్వార్థసిద్ధయే || 6||

సరర్వదోషహరం పుణ్యం సకలవ్యాధినాశనం |
వసుదేవసుతః పాతు మూర్ధానం మమ సరర్వదా || 7||

లలాటం దేవకీసూనుః భ్రూయుగ్మం నందనందనః |
నయనౌ పూతనాహంతా నాసాం శకటమర్ద్దనః || 8||

యమలార్జునహృత్కర్ణౌకి కపోలౌ నగమర్ద్దనః |
దంతాన్ గోపాలకః పోతు జిహ్వాం హయ్యంగవీనభుక్ || 9||

ఓష్ఠం ధేనుకజిత్పాయాదధరం కేశినాశనః |
చిబుకం పాతు గోవిందో బలదేవానుజో ముఖం || 10||

అక్రూరసహితః కంఠం కక్షౌ దంతివరాంతకః |
భుజౌ చాణూరహారిర్మే కరౌ కంసనిషూదనః || 11||

వక్షో లక్ష్మీపతిః పాతు హృదయం జగదీశ్వరః |
ఉదరం మధురానాథో నాభిం ద్వారవతీపతిః || 12||

రుగ్మిణీవల్లభః పృష్ఠం జఘనం శిశుపాలహా |
ఊరూ పాండవదూతో మే జానునీ పార్థసారథిః || 13||

విశ్వరూపధరో జంఘే ప్రపదే భూమిభారహృత్ |
చరణౌ యాదవః పాతు పాతు విఘ్నోఽఖిలం వపుః || 14||

దివా పాయాజ్జగన్నాథో రాత్రౌ నారాయణః స్వయం |
సరర్వకాలముపాసీరిస్సర్వకామార్థసిద్ధయే || 15||

ఇదం కృష్ణబలోపేతం యః పఠేత్ కవచం నరః |
సర్వదాఽఽర్తిభయాన్ముక్తః కృష్ణభక్తిం సమాప్నుయాత్ || 16||

ఇతి శ్రీకృష్ణకవచం సంపూర్ణం |

Read in More Languages:

• sanskritकृष्ण कवचं
• odiaଶ୍ରୀ କୃଷ୍ଣ କଵଚଂ
• marathiकृष्ण कवचं
• kannadaಶ್ರೀ ಕೃಷ್ಣ ಕವಚಂ
• gujaratiકૃષ્ણ કવચં
• hindiश्री कृष्ण कवचम
• bengaliশ্রী কৃষ্ণ কবচং
• hindiश्री कृष्ण रक्षा कवचम्
• englishShri Krishna Nam Kavacham
• sanskritश्री कृष्ण नाम कवचम्

Found a Mistake or Error? Report it Now