|| కృష్ణ ఆశ్రయ స్తోత్రం ||
సర్వమార్గేషు నష్టేషు కలౌ చ ఖలధర్మిణి.
పాషండప్రచురే లోకే కృష్ణ ఏవ గతిర్మమ.
మ్లేచ్ఛాక్రాంతేషు దేశేషు పాపైకనిలయేషు చ.
సత్పీడావ్యగ్రలోకేషు కృష్ణ ఏవ గతిర్మమ.
గంగాదితీర్థవర్యేషు దుష్టైరేవావృతేష్విహ.
తిరోహితాధిదైవేషు కృష్ణ ఏవ గతిర్మమ.
అహంకారవిమూఢేషు సత్సు పాపానువర్తిషు.
లోభపూజార్థలాభేషు కృష్ణ ఏవ గతిర్మమ.
అపరిజ్ఞాననష్టేషు మంత్రేష్వవ్రతయోగిషు.
తిరోహితార్థదైవేషు కృష్ణ ఏవ గతిర్మమ.
నానావాదవినష్టేషు సర్వకర్మవ్రతాదిషు.
పాషండైకప్రయత్నేషు కృష్ణ ఏవ గతిర్మమ.
అజామిలాదిదోషాణాం నాశకోఽనుభవే స్థితః.
జ్ఞాపితాఖిలమాహాత్మ్యః కృష్ణ ఏవ గతిర్మమ.
ప్రాకృతాః సకలా దేవా గణితానందకం బృహత్.
పూర్ణానందో హరిస్తస్మాత్కృష్ణ ఏవ గతిర్మమ.
వివేకధైర్యభక్త్యాది- రహితస్య విశేషతః.
పాపాసక్తస్య దీనస్య కృష్ణ ఏవ గతిర్మమ.
సర్వసామర్థ్యసహితః సర్వత్రైవాఖిలార్థకృత్.
శరణస్థసముద్ధారం కృష్ణం విజ్ఞాపయామ్యహం.
కృష్ణాశ్రయమిదం స్తోత్రం యః పఠేత్ కృష్ణసన్నిధౌ.
తస్యాశ్రయో భవేత్ కృష్ణ ఇతి శ్రీవల్లభోఽబ్రవీత్.
Read in More Languages:- malayalamകൃഷ്ണ ആശ്രയ സ്തോത്രം
- kannadaಕೃಷ್ಣ ಆಶ್ರಯ ಸ್ತೋತ್ರ
- hindiकृष्ण आश्रय स्तोत्र
- malayalamകൃഷ്ണ ചൗരാഷ്ടകം
- teluguకృష్ణ చౌరాష్టకం
- tamilகிருஷ்ண செளராஷ்டகம்
- hindiकृष्ण चौराष्टक स्तोत्र
- malayalamകൃഷ്ണ ലഹരീ സ്തോത്രം
- teluguకృష్ణ లహరీ స్తోత్రం
- tamilகிருஷ்ண லஹரி ஸ்தோத்திரம்
- kannadaಕೃಷ್ಣ ಲಹರೀ ಸ್ತೋತ್ರ
- hindiकृष्ण लहरी स्तोत्र
- englishShri Krishna Kritam Durga Stotram
Found a Mistake or Error? Report it Now
