|| ஶ்ரீ ஸூர்ய ஸ்துதி꞉ (மநு க்ருதம்) ||
மநுருவாச ।
நமோ நமோ வரேண்யாய வரதா³யா(அ)ம்ஶுமாலிநே ।
ஜ்யோதிர்மய நமஸ்துப்⁴யமநந்தாயாஜிதாய தே ॥ 1 ॥
த்ரிலோகசக்ஷுஷே துப்⁴யம் த்ரிகு³ணாயாம்ருதாய ச ।
நமோ த⁴ர்மாய ஹம்ஸாய ஜக³ஜ்ஜநநஹேதவே ॥ 2 ॥
நரநாரீஶரரீராய நமோ மீடு⁴ஷ்டமாய தே ।
ப்ரஜ்ஞாநாயாகி²லேஶாய ஸப்தாஶ்வாய த்ரிமூர்தயே ॥ 3 ॥
நமோ வ்யாஹ்ருதிரூபாய த்ரிலக்ஷாயா(ஆ)ஶுகா³மிநே ।
ஹர்யஶ்வாய நமஸ்துப்⁴யம் நமோ ஹரிதவாஹவே ॥ 4 ॥
ஏகலக்ஷவிளக்ஷாய ப³ஹுளக்ஷாய த³ண்டி³நே ।
ஏகஸம்ஸ்த²த்³விஸம்ஸ்தா²ய ப³ஹுஸம்ஸ்தா²ய தே நம꞉ ॥ 5 ॥
ஶக்தித்ரயாய ஶுக்லாய ரவயே பரமேஷ்டி²நே ।
த்வம் ஶிவஸ்த்வம் ஹரிர்தே³வ த்வம் ப்³ரஹ்மா த்வம் தி³வஸ்பதி꞉ ॥ 6 ॥
த்வமோங்காரோ வஷட்கார꞉ ஸ்வதா⁴ ஸ்வாஹா த்வமேவ ஹி ।
த்வாம்ருதே பரமாத்மாநம் ந தத்பஶ்யாமி தை³வதம் ॥ 7 ॥
இதி ஶ்ரீஸௌரபுராணே ப்ரத²மோ(அ)த்⁴யாயே மநுக்ருத ஶ்ரீ ஸூர்ய ஸ்துதி꞉ ।
Found a Mistake or Error? Report it Now
