|| শ্রীরামহৃদয়ম্ ||
ততো রামঃ স্বয়ং প্রাহ হনুমন্তমুপস্থিতম্ ।
শৃণু যত্বং প্রবক্ষ্যামি হ্যাত্মানাত্মপরাত্মনাম্ ॥
আকাশস্য যথা ভেদস্ত্রিবিধো দৃশ্যতে মহান্ ।
জলাশয়ে মহাকাশস্তদবচ্ছিন্ন এব হি ।
প্রতিবিম্বাখ্যমপরং দৃশ্যতে ত্রিবিধং নভঃ ॥
বুদ্ধ্যবচ্ছিন্নচৈতন্যমেকং পূর্ণমথাপরম্ ।
আভাসস্ত্বপরং বিম্বভূতমেবং ত্রিধা চিতিঃ ॥
সাভাসবুদ্ধেঃ কর্তৃত্বমবিচ্ছিন্নেঽবিকারিণি ।
সাক্ষিণ্যারোপ্যতে ভ্রান্ত্যা জীবত্বং চ তথাঽবুধৈঃ ॥
আভাসস্তু মৃষাবুদ্ধিরবিদ্যাকার্যমুচ্যতে ।
অবিচ্ছিন্নং তু তদ্ব্রহ্ম বিচ্ছেদস্তু বিকল্পিতঃ ॥
অবিচ্ছিন্নস্য পূর্ণেন একত্বং প্রতিপদ্যতে ।
তত্ত্বমস্যাদিবাক্যৈশ্চ সাভাসস্যাহমস্তথা ॥
ঐক্যজ্ঞানং যদোৎপন্নং মহাবাক্যেন চাত্মনোঃ ।
তদাঽবিদ্যা স্বকার্যৈশ্চ নশ্যত্যেব ন সংশয়ঃ ॥
এতদ্বিজ্ঞায় মদ্ভক্তো মদ্ভাবায়োপপদ্যতে
মদ্ভক্তিবিমুখানাং হি শাস্ত্রগর্তেষু মুহ্যতাম্ ।
ন জ্ঞানং ন চ মোক্ষঃ স্যাত্তেষাং জন্মশতৈরপি ॥
ইদং রহস্যং হৃদয়ং মমাত্মনো
ময়ৈব সাক্ষাৎকথিতং তবানঘ ।
মদ্ভক্তিহীনায় শঠায় ন ত্বয়া
দাতব্যমৈন্দ্রাদপি রাজ্যতোঽধিকম্ ॥
॥ শ্রীমদধ্যাত্মরামায়ণে বালকাণ্ডে শ্রীরামহৃদয়ং সম্পূর্ণম্ ॥
Read in More Languages:- sanskritश्री राम हृदयम्
- punjabiਸ਼੍ਰੀਰਾਮਹ੍ਰੁਦਯਮ੍
- teluguశ్రీరామహృదయం
- odiaଶ୍ରୀରାମହୃଦୟମ୍
- tamilஶ்ரீராமஹ்ருʼத³யம்
- assameseশ্ৰী ৰাম হৃদয়ম্
- malayalamശ്രീരാമഹൃദയം
- gujaratiશ્રી રામ હૃદયમ્
- kannadaಶ್ರೀರಾಮಹೃದಯಂ
Found a Mistake or Error? Report it Now
