ശ്രീരാമഹൃദയം (Ram Hridayam Malayalam)

തതോ രാമഃ സ്വയം പ്രാഹ ഹനുമന്തമുപസ്ഥിതം .
ശൃണു യത്വം പ്രവക്ഷ്യാമി ഹ്യാത്മാനാത്മപരാത്മനാം ..

ആകാശസ്യ യഥാ ഭേദസ്ത്രിവിധോ ദൃശ്യതേ മഹാൻ .
ജലാശയേ മഹാകാശസ്തദവച്ഛിന്ന ഏവ ഹി .
പ്രതിബിംബാഖ്യമപരം ദൃശ്യതേ ത്രിവിധം നഭഃ ..

ബുദ്ധ്യവച്ഛിന്നചൈതന്യമേകം പൂർണമഥാപരം .
ആഭാസസ്ത്വപരം ബിംബഭൂതമേവം ത്രിധാ ചിതിഃ ..

സാഭാസബുദ്ധേഃ കർതൃത്വമവിച്ഛിന്നേഽവികാരിണി .
സാക്ഷിണ്യാരോപ്യതേ ഭ്രാന്ത്യാ ജീവത്വം ച തഥാഽബുധൈഃ ..

ആഭാസസ്തു മൃഷാബുദ്ധിരവിദ്യാകാര്യമുച്യതേ .
അവിച്ഛിന്നം തു തദ്ബ്രഹ്മ വിച്ഛേദസ്തു വികല്പിതഃ ..

അവിച്ഛിന്നസ്യ പൂർണേന ഏകത്വം പ്രതിപദ്യതേ .
തത്ത്വമസ്യാദിവാക്യൈശ്ച സാഭാസസ്യാഹമസ്തഥാ ..

ഐക്യജ്ഞാനം യദോത്പന്നം മഹാവാക്യേന ചാത്മനോഃ .
തദാഽവിദ്യാ സ്വകാര്യൈശ്ച നശ്യത്യേവ ന സംശയഃ ..

ഏതദ്വിജ്ഞായ മദ്ഭക്തോ മദ്ഭാവായോപപദ്യതേ
മദ്ഭക്തിവിമുഖാനാം ഹി ശാസ്ത്രഗർതേഷു മുഹ്യതാം .
ന ജ്ഞാനം ന ച മോക്ഷഃ സ്യാത്തേഷാം ജന്മശതൈരപി ..

ഇദം രഹസ്യം ഹൃദയം മമാത്മനോ
മയൈവ സാക്ഷാത്കഥിതം തവാനഘ .
മദ്ഭക്തിഹീനായ ശഠായ ന ത്വയാ
ദാതവ്യമൈന്ദ്രാദപി രാജ്യതോഽധികം ..

.. ശ്രീമദധ്യാത്മരാമായണേ ബാലകാണ്ഡേ ശ്രീരാമഹൃദയം സമ്പൂർണം ..

Read in More Languages:

Found a Mistake or Error? Report it Now

ശ്രീരാമഹൃദയം