|| శ్రీ సూర్య స్తుతిః (మను కృతం) ||
మనురువాచ |
నమో నమో వరేణ్యాయ వరదాయాఽంశుమాలినే |
జ్యోతిర్మయ నమస్తుభ్యమనంతాయాజితాయ తే || ౧ ||
త్రిలోకచక్షుషే తుభ్యం త్రిగుణాయామృతాయ చ |
నమో ధర్మాయ హంసాయ జగజ్జననహేతవే || ౨ ||
నరనారీశరరీరాయ నమో మీఢుష్టమాయ తే |
ప్రజ్ఞానాయాఖిలేశాయ సప్తాశ్వాయ త్రిమూర్తయే || ౩ ||
నమో వ్యాహృతిరూపాయ త్రిలక్షాయాఽఽశుగామినే |
హర్యశ్వాయ నమస్తుభ్యం నమో హరితవాహవే || ౪ ||
ఏకలక్షవిలక్షాయ బహులక్షాయ దండినే |
ఏకసంస్థద్విసంస్థాయ బహుసంస్థాయ తే నమః || ౫ ||
శక్తిత్రయాయ శుక్లాయ రవయే పరమేష్ఠినే |
త్వం శివస్త్వం హరిర్దేవ త్వం బ్రహ్మా త్వం దివస్పతిః || ౬ ||
త్వమోంకారో వషట్కారః స్వధా స్వాహా త్వమేవ హి |
త్వామృతే పరమాత్మానం న తత్పశ్యామి దైవతమ్ || ౭ ||
ఇతి శ్రీసౌరపురాణే ప్రథమోఽధ్యాయే మనుకృత శ్రీ సూర్య స్తుతిః |
Found a Mistake or Error? Report it Now
