|| ಶಂಕರ ಗುರು ಸ್ತೋತ್ರ ||
ವೇದಧರ್ಮಪರಪ್ರತಿಷ್ಠಿತಿಕಾರಣಂ ಯತಿಪುಂಗವಂ
ಕೇರಲೇಭ್ಯ ಉಪಸ್ಥಿತಂ ಭರತೈಕಖಂಡಸಮುದ್ಧರಂ.
ಆಹಿಮಾದ್ರಿಪರಾಪರೋ- ಕ್ಷಿತವೇದತತ್ತ್ವವಿಬೋಧಕಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
ಶ್ರೌತಯಜ್ಞಸುಲಗ್ನಮಾ- ನಸಯಜ್ವನಾಂ ಮಹಿತಾತ್ಮನಾಂ
ಚೀರ್ಣಕರ್ಮಫಲಾಧಿಸಂ- ಧಿನಿರಾಸನೇಶಸಮರ್ಪಣಂ.
ನಿಸ್ತುಲಂ ಪರಮಾರ್ಥದಂ ಭವತೀತಿ ಬೋಧನದಾಯಕಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
ಷಣ್ಮತಂ ಬಹುದೈವತಂ ಭವಿತೇತಿ ಭೇದಧಿಯಾ ಜನಾಃ
ಕ್ಲೇಶಮಾಪ್ಯ ನಿರಂತರಂ ಕಲಹಾಯಮಾನವಿಧಿಕ್ರಮಂ.
ಮಾದ್ರಿಯಧ್ವಮಿಹಾಸ್ತಿ ದೈವತಮೇಕಮಿತ್ಯನುಬೋಧದಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
ಆದಿಮಂ ಪದಮಸ್ತು ದೇವಸಿಷೇವಿಷಾ ಪರಿಕೀರ್ತನಾ-
ಽನಂತನಾಮಸುವಿಸ್ತರೇಣ ಬಹುಸ್ತವಪ್ರವಿಧಾಯಕಂ.
ತನ್ಮನೋಜ್ಞಪದೇಷು ತತ್ತ್ವಸುದಾಯಕಂ ಕರುಣಾಂಬುಧಿಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
ಬಾದರಾಯಣಮೌನಿಸಂ- ತತಸೂತ್ರಭಾಷ್ಯಮಹಾಕೃತಿಂ
ಬ್ರಹ್ಮ ನಿರ್ದ್ವಯಮನ್ಯದಸ್ತಿ ಮೃಷೇತಿ ಸುಸ್ಥಿತಿಬೋಧದಂ.
ಸ್ವೀಯತರ್ಕಬಲೇನ ನಿರ್ಜಿತಸರ್ವವಾದಿಮಹಾಪಟುಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
ಆಶ್ರಯಂ ಪರಮಂ ಗುರೋರಥ ಲಪ್ಸ್ಯತೇ ಸ್ತವನಾದಿತಃ
ಶಂಕರಸ್ಯ ಗುರೋರ್ವಚಃಸು ನಿಬೋಧಮರ್ಹತಿ ಭಕ್ತಿಮಾನ್.
ಪ್ರಜ್ಞಯೋತ್ತಮಭಾವುಕಂ ತು ಲಭೇಯ ಯತ್ಕೃಪಯಾ ಹಿ ತಂ
ಸಂಶ್ರಯೇ ಗುರುಶಂಕರಂ ಭುವಿ ಶಂಕರಂ ಮಮ ಶಂಕರಂ.
- marathiशिवलीलामृत – अकरावा अध्याय 11
- malayalamശിവ രക്ഷാ സ്തോത്രം
- teluguశివ రక్షా స్తోత్రం
- tamilசிவ ரக்ஷா ஸ்தோத்திரம்
- hindiश्री शिव तांडव स्तोत्रम्
- kannadaಶಿವ ರಕ್ಷಾ ಸ್ತೋತ್ರ
- hindiशिव रक्षा स्तोत्र
- malayalamശിവ പഞ്ചാക്ഷര നക്ഷത്രമാലാ സ്തോത്രം
- teluguశివ పంచాక్షర నక్షత్రమాలా స్తోత్రం
- tamilசிவா பஞ்சாக்ஷர நக்ஷத்ராமாலா ஸ்தோத்திரம்
- kannadaಶಿವ ಪಂಚಾಕ್ಷರ ನಕ್ಷತ್ರಮಾಲಾ ಸ್ತೋತ್ರ
- hindiशिव पंचाक्षर नक्षत्रमाला स्तोत्र
- hindiश्री शिव पंचाक्षर स्तोत्रम् अर्थ सहित
- teluguశివ అపరాధ క్షమాపణ స్తోత్రం
- kannadaಶಿವ ಅಪರಾಧ ಕ್ಷಮಾಪಣ ಸ್ತೋತ್ರ
Found a Mistake or Error? Report it Now
