|| శివ ఆరతీ ||
సర్వేశం పరమేశం శ్రీపార్వతీశం వందేఽహం విశ్వేశం శ్రీపన్నగేశమ్ ।
శ్రీసాంబం శంభుం శివం త్రైలోక్యపూజ్యం వందేఽహం త్రైనేత్రం శ్రీకంఠమీశమ్ ॥ 1॥
భస్మాంబరధరమీశం సురపారిజాతం బిల్వార్చితపదయుగలం సోమం సోమేశమ్ ।
జగదాలయపరిశోభితదేవం పరమాత్మం వందేఽహం శివశంకరమీశం దేవేశమ్ ॥ 2॥
కైలాసప్రియవాసం కరుణాకరమీశం కాత్యాయనీవిలసితప్రియవామభాగమ్ ।
ప్రణవార్చితమాత్మార్చితం సంసేవితరూపం వందేఽహం శివశంకరమీశం దేవేశమ్ ॥ 3॥
మన్మథనిజమదదహనం దాక్షాయనీశం నిర్గుణగుణసంభరితం కైవల్యపురుషమ్ ।
భక్తానుగ్రహవిగ్రహమానందజైకం వందేఽహం శివశంకరమీశం దేవేశమ్ ॥ 4॥
సురగంగాసంప్లావితపావననిజశిఖరం సమభూషితశశిబింబం జటాధరం దేవమ్ ।
నిరతోజ్జ్వలదావానలనయనఫాలభాగం వందేఽహం శివశంకరమీశం దేవేశమ్ ॥ 5॥
శశిసూర్యనేత్రద్వయమారాధ్యపురుషం సురకిన్నరపన్నగమయమీశం సంకాశమ్ ।
శరవణభవసంపూజితనిజపాదపద్మం వందేఽహం శివశంకరమీశం దేవేశమ్ ॥ 6॥
శ్రీశైలపురవాసం ఈశం మల్లీశం శ్రీకాలహస్తీశం స్వర్ణముఖీవాసమ్ ।
కాంచీపురమీశం శ్రీకామాక్షీతేజం వందేఽహం శివశంకరమీశం దేవేశమ్ ॥ 7॥
త్రిపురాంతకమీశం అరుణాచలేశం దక్షిణామూర్తిం గురుం లోకపూజ్యమ్ ।
చిదంబరపురవాసం పంచలింగమూర్తిం వందేఽహం శివశంకరమీశం దేవేశమ్ ॥ 8॥
జ్యోతిర్మయశుభలింగం సంఖ్యాత్రయనాట్యం త్రయీవేద్యమాద్యం పంచాననమీశమ్ ।
వేదాద్భుతగాత్రం వేదార్ణవజనితం వేదాగ్రం విశ్వాగ్రం శ్రీవిశ్వనాథమ్ ॥ 9॥
Read in More Languages:- marathiशिव – शंकराची आरती
- marathiश्री शंकराची आरती
- englishShiv ji Aarti
- hindiशिव जी आरती
- assameseশিৱ জী আৰতী
- tamilஶிவ ஜீ ஆரதீ
- sanskritशिव आरती
- malayalamശിവ ആരതീ
- bengaliশিৱ আরতি
- marathiॐ जय शिव ओंकारा आरती
- kannadaಶಿವ ಆರತೀ
- punjabiਸ਼੍ਰੀ ਸ਼ਿਵ ਆਰਤੀ
- gujaratiશિવ આરતી
- odiaଶିଵ ଆରତୀ
- marathiलवथवती विक्राळा – शंकराची आरती
Found a Mistake or Error? Report it Now
