|| श्री कुंज बिहारी अष्टकम ||
य: स्तूयते श्रुतिगणैर्निपुणैरजस्रं,
सम्पूज्यते क्रतुगतै: प्रणतै: क्रियाभि:।
तं सर्वकर्मफ़लदं निजसेवकानां,
श्रीमद् विहारिचरणं शरणं प्रपद्ये॥
यं मानसे सुमतयो यतयो निधाय,
सद्यो जहु: सहृदया हृदयान्धकारम्।
तं चन्द्रमण्डल-नखावलि-दीप्यमानं,
श्री मद् विहारिचरणं शरणं प्रपद्ये॥
येन क्षणेन समकारि विपद्वियोगो,
ध्यानास्पदं सुगमितेन नुतेन विज्ञै:।
तं तापवारण-निवारण-सांकुशांकं ,
श्री मद् विहारिचरणं शरणं प्रपद्ये॥
यस्मै विधाय विधिना विधिनारदाद्या:,
पूजां विवेकवरदां वरदास्यभावा:।
तं दाक्षलक्षण-विलक्षण-लक्षणाढ्यं,
श्री मद् विहारिचरणं शरणं प्रपद्ये॥
यस्मात् सुखैकसदनान्मदनारिमुख्या:,
सिद्धि समीयुरतुलां सकलांगशोभाम्।
तं शुद्धबुद्धि-शुभवृद्धि-समृद्धि-हेतुं,
श्री मद् विहारिचरणं शरणं प्रपद्ये॥
यस्य प्रपन्नवरदस्य प्रसादत: स्यात्,
तापत्रयापहरणं शरणं गतानाम्।
तं नीलनीरजनिभं जनिभंजनाय,
श्री मद् विहारिचरणं शरणं प्रपद्ये॥॥
यस्मिन् मनो विनिहितं भवति प्रसन्नं,
खिन्नं कदिन्द्रियगणैरपि यद्विष्ण्णम्।
तं वास्तव-स्तव-निरस्त-समस्त दुखं,
श्री मद् विहारिचरणं शरणं प्रपद्ये॥
हे कृष्णपाद! शमितातिविषादभक्त
वांछाप्रदामरमहीरूहपंचशाख।
संसारसागरसमुत्तरणे वहित्र,
हे चिह्नचित्रितचरित्र नमो नमस्ते॥
इदं विष्णो: पादाष्टकमतिविशादाभिशमनम्,
प्रणीतं यत्प्रेरणा सुकविजगदीशेन विदुषा।
पठेदयो वा भक्तयाऽच्युतिचरणचेता: स मनुजो,
भवे भुक्त्वा भोगानभिसरति चान्ते हरिपदम्॥
- hindiश्री दामोदर अष्टकम
- malayalamകൃഷ്ണാഷ്ടകം
- punjabiਕ੍ਰੁਰੁਇਸ਼੍ਣਾਸ਼੍ਟਕਮ੍
- gujaratiકૃષ્ણ અષ્ટકમ્
- bengaliকৃষ্ণ অষ্টকম্
- kannadaಕೃಷ್ಣ ಅಷ್ಟಕಮ್
- teluguమధురాష్టకం
- tamilமதுராஷ்டகம்
- hindiश्री कुंजबिहारी अष्टक अर्थ सहित
- hindiश्री कृष्णाष्टकम्
- englishShri Krishnashtakam
- englishShri Achyutashtakam
- englishShri Venu Gopala Ashtakam
- englishShri Bal Mukundashtakam
- englishShri Krishnashtakam
Found a Mistake or Error? Report it Now
