|| ऋण मोचन गणेश स्तुति ||
रक्ताङ्गं रक्तवस्त्रं सितकुसुमगणैः पूजितं रक्तगन्धैः
क्षीराब्धौ रत्नपीठे सुरतरुविमले रत्नसिंहासनस्थम्।
दोर्भिः पाशाङ्कुशेष्टा- भयधरमतुलं चन्द्रमौलिं त्रिणेत्रं
ध्याये्छान्त्यर्थमीशं गणपतिममलं श्रीसमेतं प्रसन्नम्।
स्मरामि देवदेवेशं वक्रतुण्डं महाबलम्।
षडक्षरं कृपासिन्धुं नमामि ऋणमुक्तये।
एकाक्षरं ह्येकदन्तमेकं ब्रह्म सनातनम्।
एकमेवाद्वितीयं च नमामि ऋणमुक्तये।
महागणपतिं देवं महासत्त्वं महाबलम्।
महाविघ्नहरं शम्भोर्नमामि ऋणमुक्तये।
कृष्णाम्बरं कृष्णवर्णं कृष्णगन्धानुलेपनम्।
कृष्णसर्पोपवीतं च नमामि ऋणमुक्तये।
रक्ताम्बरं रक्तवर्णं रक्तगन्धानुलेपनम्।
रक्तपुष्पप्रियं देवं नमामि ऋणमुक्तये।
पीताम्बरं पीतवर्णं पीतगन्धानुलेपनम् ।
पीतपुष्पप्रियं देवं नमामि ऋणमुक्तये।
धूम्राम्बरं धूम्रवर्णं धूम्रगन्धानुलेपनम् ।
होमधूमप्रियं देवं नमामि ऋणमुक्तये।
फालनेत्रं फालचन्द्रं पाशाङ्कुशधरं विभुम्।
चामरालङ्कृतं देवं नमामि ऋणमुक्तये।
इदं त्वृणहरं स्तोत्रं सन्ध्यायां यः पठेन्नरः।
गणेशकृपया शीघ्रमृणमुक्तो भविष्यति।
Read in More Languages:- malayalamഋണ മോചന ഗണേശ സ്തുതി
- teluguఋణ మోచన గణేశ స్తుతి
- tamilருண மோசன கனேச ஸ்துதி
- kannadaಋಣ ಮೋಚನ ಗಣೇಶ ಸ್ತುತಿ
- malayalamവിഘ്നരാജ സ്തുതി
- teluguవిఘ్నరాజ స్తుతి
- tamilவிக்னராஜ ஸ்துதி
- kannadaವಿಘ್ನರಾಜ ಸ್ತುತಿ
- sanskritशिवकृता गणेश स्तुति
Found a Mistake or Error? Report it Now
